Сенегал президенти Африка Миллатлар Кубогидаги ғалабадан сўнг 19 январни дам олиш куни деб эълон қилди
Турнир финалида Сенегал Марокашни мағлуб этди.
ФОТО: Getty Images
Сенегал президенти Бассиру Диомайе Файе 2026 йил 19 январ, душанба куни мамлакатда дам олиш куни бўлишини эълон қилди. Бу ҳақда журналист Станис Тшиамала X (собиқ Twitter) тармоғида RTS 1 телеканали эфирига таяниб хабар берди.
Бу қарор Африка Миллатлар Кубоги финалида Сенегал терма жамоаси Марокашни қўшимча вақтда 1:0 ҳисобига мағлуб этганидан сўнг қабул қилинди. Қўшимча вақтда, 94-дақиқада, Пап Гейе ҳал қилувчи голни киритди.
Эътиборлиси, Сенегал тарихи давомида иккинчи марта Африка Миллатлар Кубоги ғолиби бўлди. Тўрт йил аввал жамоа Мисрни пенальтилар сериясида (0:0, 4:2) мағлуб этганида, амалдаги президент ҳам ғалаба муносабати билан дам олиш кунини эълон қилган эди.
Насрулло Каримов
Журналист