Сен-Максимен фаолиятини АҚШда давом эттириши мумкин
«Шарлотт» клуби «Ланс» ҳужумчиси Аллан Сен-Максимен билан шартнома имзолаш бўйича фаол музокаралар олиб бормоқда, деб хабар беради RMC. Томонлар шартномани якунлашга яқин.
29 ёшли франциялик футболчининг амалдаги шартномаси июнь ойи охиригача мўлжалланган, шу сабабли у Америка клубига эркин агент сифатида ўтиши мумкин.
Бунгача Сен-Максимен «Ньюкасл Юнайтед», «Бастия», «Ницца», «Сент-Этьен», «Ганновер», «Аль-Ахли», «Фенербахче» ва «Америка» клубларида ҳам тўп сурган.
Сен-Максимен қишда «Америка» билан шартномасини бекор қилиб, Мексикадан «Ланс»га ўтган ва ушбу жамоа сафида 13 та ўйинда тўртта гол уриб, учта голли узатмани амалга оширган.
Футболчи фарзандларига қилинган ҳақоратлар туфайли Мексиканинг «Америка» клубини тарк этишга мажбур бўлганди.
