Семеньо: «Бу ғалаба кейинги ўйин олдидан бизга катта ишонч бағишлади»
Гана терма жамоаси ҳужумчиси Антуан Семеньо ўз миллий жамоасининг Жаҳон чемпионати – 2026 гуруҳ босқичи биринчи тури доирасида Панамага қарши ўйини (1:0) ҳақида фикр билдирди.
«90+5-дақиқа… Бу ҳис-туйғуларни қандай тасвирлашни ҳам билмайман. Биз ҳаммамиз катта енгилликни ҳис қилдик, чунки бу ўйин биз учун қанчалик муҳим эканини тушунардик ва у бизга кейинги ўйин олдидан ишонч бағишлади. Мен ғалаба қозонганимизни айтишдан жуда хурсандман, лекин суръатни пасайтира олмаймиз. Олдинда бизни иккита муҳим ўйин ва жиддий синовлар кутмоқда.
Бу жуда қийин бўлади ва айнан шунинг учун бизга бу ғалаба ҳамда кейинги босқичга чиқишимизга ёрдам бериши мумкин бўлган ишонч керак эди. Биз бу жамоада истеъдод борлигини, исботлайдиган нарсамиз борлигини ҳис қиляпмиз ва ўйлайманки, айнан шу бизнинг ҳаракатлантирувчи кучимиздир», – дея Семеньонинг сўзларини келтиради ФИФА расмий сайти.
Гуруҳ босқичининг кейинги турларида Гана Англия (23 июнь) ва Хорватия (28 июнь) билан учрашади.
