Semenyo: «Bu g‘alaba keyingi o‘yin oldidan bizga katta ishonch bag‘ishladi»
Gana terma jamoasi hujumchisi Antuan Semenyo o‘z milliy jamoasining Jahon chempionati – 2026 guruh bosqichi birinchi turi doirasida Panamoga qarshi o‘yini (1:0) haqida fikr bildirdi.
«90+5-daqiqa… Bu his-tuyg‘ularni qanday tasvirlashni ham bilmayman. Biz hammamiz katta yengillikni his qildik, chunki bu o‘yin biz uchun qanchalik muhim ekanini tushunardik va u bizga keyingi o‘yin oldidan ishonch bag‘ishladi. Men g‘alaba qozonganimizni aytishdan juda xursandman, lekin sur’atni pasaytira olmaymiz. Oldinda bizni ikkita muhim o‘yin va jiddiy sinovlar kutmoqda.
Bu juda qiyin bo‘ladi va aynan shuning uchun bizga bu g‘alaba hamda keyingi bosqichga chiqishimizga yordam berishi mumkin bo‘lgan ishonch kerak edi. Biz bu jamoada iste’dod borligini, isbotlaydigan narsamiz borligini his qilyapmiz va o‘ylaymanki, aynan shu bizning harakatlantiruvchi kuchimizdir», – deya Semenyoning so‘zlarini keltiradi FIFA rasmiy sayti.
Guruh bosqichining keyingi turlarida Gana Angliya (23 iyun) va Xorvatiya (28 iyun) bilan uchrashadi.
