«Селта» мавсум якунлангандан сўнг Аспиликуэтани эркин агент сифатида қўшиб олиши мумкин
Футбол
Бакрадзе Иман
Редактор
Расм: gettyimages.com Сесар Аспиликуэта
«Атлетико» (Мадрид) марказий ҳимоячиси Сесар Аспиликуэтага Вигонинг «Селта» жамоаси жиддий қизиқиш билдирмоқда. AS нашрига кўра, 35 ёшли футболчи мавсум тугагач жамоасини тарк этиб, янги клубга эркин агент сифатида ўтиши мумкин.
Испаниялик футболчининг «Атлетико» билан амалдаги шартномаси ёзда ниҳоясига етади. «Селта» эса ушбу вазиятдан фойдаланиб, ҳимоя чизиғини кучайтиришни режалаштирмоқда.
Аспиликуэта жорий мавсум Ла Лигада 12 учрашувда майдонга тушиб, 1 та гол урган. Испания чемпионатида 33 турдан сўнг «Селта» 7-ўринда бормоқда, «Атлетико» эса 3-ўринда турибди ва юқори поғоналар учун курашни давом эттирмоқда.
