«Сельта» Алтай Байиндирни сотиб олиш ҳуқуқи билан ижарага олади

«Манчестер Юнайтед» дарвозабони Алтай Байиндир фаолиятини Испаниянинг «Сельта» клубида давом эттириши мумкин.

Инсайдер Фабрицио Романо маълумотига кўра, 28 ёшли турк дарвозабонига Испанияга бориб, тиббий кўрикдан ўтиш ва шартнома имзолаш учун рухсат берилган. Томонлар мавсум охиригача ижара бўйича келишувга эришган.

«Сельта» футболчининг маошини тўлиқ тўлаб беради. Шартномага Байиндирни 4 миллион еврога сотиб олиш ҳуқуқи ҳам киритилади. Ушбу сумма дарвозабон ўтказадиган учрашувлар сонига қараб ўзгариши мумкин.

Байиндир 2023 йилда «Фенербахче»дан «Манчестер Юнайтед»га ўтиб, клуб тарихи бўйича илк турк футболчисига айланганди. У инглиз жамоаси сафида жами 17 та учрашув ўтказган, бироқ асосий таркибдан мустаҳкам ўрин эгаллай олмади.

Насрулло Каримов

Журналист

0 0 0 0 0 0