Себастьян Беккасесе Эквадор терма жамоасини тарк этганини эълон қилди
Эквадор терма жамоаси бош мураббийи Себастьян Беккасесе 2026 йилги Жаҳон чемпионати билан бирга миллий жамоадаги фаолияти ҳам якунланганини маълум қилди.
Эквадор 1/16 финал босқичида Мексикага 0:2 ҳисобида мағлуб бўлиб, мусобақа билан хайрлашди. Ушбу мағлубиятдан кейин Беккасесе ўз шартномаси Жаҳон чемпионати тугаши билан якунига етганини тасдиқлади.
«Бизнинг шартномамиз Жаҳон чемпионати якунланиши билан тугарди, биз учун эса мусобақа бугун ниҳоясига етди. Биз ваъда қилганимиздек, мамлакат тарихидаги энг яхши Жаҳон чемпионатини ўтказа олмадик. Аммо ортимизда жуда аҳил жамоани қолдирдик.
Ҳозир рўй берган воқеалар халқимизнинг дарди ва аламини йўқота олмайди. Шунга қарамай, келажакка ишонч ва иштиёқ ҳали ҳам юқори. Биз қандай мерос қолдирганимизни яхши биламан.
Баъзан Худонинг режаси шундай бўлади ва биз буни қабул қилишимиз керак. Албатта, биз буни истамаган эдик. Агар ғалаба қозонганимизда, ишимизни давом эттиришни хоҳлардик. Яна битта ўйиннинг ўзи ҳам мақсадимизга яқинлашишимиз учун етарли бўларди. Аммо футболда ҳаммасини натижа ҳал қилади.
Бугун мен ажойиб оила билан хайрлашяпман. Бироқ буни чексиз миннатдорлик, хотиржамлик ва ички осойишталик билан амалга оширяпман, чунки биз бор кучимизни ишга солганимизни биламан», — деди Беккасесе.
