Сўғдиёна Тоҳир Тўхтасинов билан шартнома имзолаганини маълум қилди

Янги мавсум олдидан олдига юқори мақсадлар қўйган “Сўғдиёна” таркибни кучайтиришда давом этмоқда.

Бугун жамоамиз ярим ҳимоя чизиғини кучайтириш мақсадида ёш умидли футболчи Тоҳир Тўхтасинов билан шартнома имзолади. Томонлар ўртасидаги келишув 2026 йил якунига қадар амал қилади.

Тоҳир Тўхтасинов профессионал фаолияти давомида Бунёдкор жамоаси сафида тўп сурган. Шунингдек, у Ўзбекистоннинг U17, U18 ва U20 ёшлар терма жамоаларида иштирок этиб, халқаро тажриба орттирган.

Футболчимизга “Сўғдиёна” сафида барқарор ўйин, ёрқин лаҳзалар ва йирик ғалабалар тилаймиз.

Хуш келибсиз, Тоҳир!

Иброҳим Жалолов

Редактор