«Саутгемптон» Перецни сотиб олди

"Саутгемптон" расмий сайтида "Бавария" ва Исроил терма жамоаси дарвозабони Даниел Перецнинг ҳуқуқларини сотиб олганини эълон қилди.

Ўтган мавсумнинг биринчи қисмида Перец ижара асосида "Гамбург" сафида тўп сурган, январ ойида эса шу тарзда "Саутгемптон" таркибига қўшилганди.

Футболчининг "авлиёлар" билан тузган меҳнат шартномаси тўрт йилга мўлжалланган.

Перец 2023-йилда Тел-Авивнинг "Маккаби" клубидан "Бавария"га ўтган. Ўтган клуб мавсумида дарвозабон 28 та ўйинда иштирок этиб, 25 та гол ўтказиб юборди ва 10 марта ўз дарвозаси дахлсизлигини сақлаб қолди.

Бунгача дарвозабон Мюнхен жамоаси таркибида 2024/2025-йилги мавсумда Германия чемпиони бўлганди.

Розикжон Султонмуродов

Журналист

0 0 0 0 0 0