Сауль Туркия клубига ўтишдан бош тортди
Фото: Getty Images
Сауль Ньигес "Трабзонспор"га ўтишдан бош тортди. Бу ҳақда инсайдер Фабрицио Романо хабар берди.
Манбага кўра, ярим ҳимоячи "Атлетико" билан шартномасини бекор қилиб, турк клубига ўтиши аввалроқ хабар қилинганди.
Сўнгги паллага келиб, 30 ёшли футболчи фикрини ўзгартирган.
Футболчи аллақачон 4 йиллик шартнома бўйича келишиб олган. Уни тиббий кўрикдан ўтказиш режалаштирилган эди, у бугун Туркияга учиб кетиши керак эди.
Таъкидланишича, трансферни рад этишга оилавий қарор сабаб бўлган. "Трабзонспор" билан музокаралар тўхтатилди.
Баҳром Бобонов
Редактор