Саудиянинг икки клуби Магуайрга қизиқиш билдирмоқда
32 ёшли футболчининг "МЮ" билан амалдаги шартномаси келаси йил июнь ойида якунланади.
ФОТО: Getty images
“Манчестер Юнайтед” ҳимоячиси Харри Магуайр фаолиятини Саудия Арабистонида давом эттириши мумкин. Бу ҳақда Manchester Evening News нашри хабар берди.
Манбага кўра, “қизил иблислар” унинг шартномасини узайтиришга қарор қилса, Саудия жамоаларидан келган йирик таклифларни рад этишга тайёр.
32 ёшли футболчининг амалдаги шартномаси келаси йил июнь ойида якунланади. Унга “Ан-Наср” ва “Ал-Иттифоқ” клублари томонидан қизиқиш билдирган. Бу клублар Магуайр учун ҳафтасига 500 минг фунт стерлинг атрофида маош таклиф қилмоқчи.
Футболчининг ўзи “Манчестер Юнайтед”да қолишни афзал кўради. Шу боис, у яқин ҳафталарда янги шартнома борасида музокаралар ўтказишга тайёр.
Розикжон Султонмуродов
Журналист
