Саудия Про-лигаси. «Ан Наср» сафарда «Ал Оҳдуд» устидан ғалаба қозонди
Роналду учрашувда фаолиятидаги 968-голини урди.
ФОТО: Getty Images
Саудия Арабистони Про-лигасининг 28-тури доирасида «Ал Оҳдуд» ҳамда «Ан Наср» жамоалари ўртасидаги учрашув якунланди. Нажрондаги «Шаҳзода Ҳатлул» стадионида кечган баҳсда меҳмонлар 2:0 ҳисобида ғалабани қўлга киритишди.
Ўйиннинг 15-дақиқасида «Ан Наср» ҳужумчиси Криштиану Роналду ҳисобни очган бўлса, иккинчи бўлимнинг 47-дақиқасида Жоау Феликс меҳмонларнинг устунлигини мустаҳкамлади.
Эътиборли жиҳати, Криштиану Роналду ушбу ўйинда фаолиятидаги 968-голини расмийлаштирди.
Саудия Арабистони чемпионатининг 28-туридан сўнг «Ан Наср» 73 очко жамлаган ҳолда турнир жадвалида пешқадамлик қилмоқда. «Ал Оҳдуд» эса 16 очко билан сўнгги поғонадан битта юқорида — 17-ўриндан жой олган.
