Сарри – «Аталанта» бош мураббийи (Романо)
«Лацио» бош мураббийи Маурицио Сарри «Аталанта»га тайинланишга яқин. Бу ҳақда инсайдер Фабрицио Романо хабар берди.
Манбага кўра, 67 ёшли италиялик мутахассис Бергамо клуби билан шартнома шартларини аллақачон келишиб олган ва яқин вақт ичида расман имзо чекиши кутилмоқда.
Кутилишича, Сарри жамоа бош мураббийи лавозимида Раффаэле Палладино ўрнини эгаллайди. Палладино «Аталанта»ни 2025 йил ноябридан бери бошқариб келаётган эди. Унинг қўл остида бергамоликлар А Серия мавсумини еттинчи ўринда якунлашди.
Аввалроқ журналист Николо Скира ҳам томонлар ўртасидаги музокаралар якуний босқичга етганини ва мураббий билан 2029 йилгача мўлжалланган шартнома тузилиши мумкинлигини хабар қилган эди.
Бундан олдин ОАВда Сарри «Наполи»ни бошқариши мумкинлиги ва у неапольликлар билан 2028 йилгача шартнома бўйича ишлашга розилик бергани ҳақида ҳам маълумотлар пайдо бўлган эди.
