Сарр: «Олдинда учинчи ўйинимиз бор. Ғалаба учун боримизни берамиз»
Сенегал ярим ҳимоячиси Норвегияга қарши баҳс ҳақида фикр билдирди.
ФОТО: Getty images
Сенегал терма жамоаси ярим ҳимоячиси Исмаила Сарр Норвегияга қарши баҳсдан сўнг ўз фикрларини билдирди.
«Норвегияга қарши ўйиндан кейин жуда оғир бўлди. Бироз тушкунликка тушдик. Аммо бу ҳали охири эмас — олдинда учинчи ўйин бор. Биз у ерга ғалаба учун борамиз ва қаттиқ меҳнат қиламиз», — деди футболчи FIFA расмий сайтига берган интервьюсида.
Ҳозирча Норвегия 6 очко билан I гуруҳда иккинчи ўринни эгаллаб, плей-оффга чиқишни кафолатлаган. Биринчи ўринда ҳам 6 очко жамғарган Франция терма жамоаси жойлашган. Кейинги ўринларда Сенегал ва Ироқ бирорта очкосиз турибди.
Маълумот учун, 26 июнь куни Франция ва Норвегия ўзаро баҳс олиб боради, Сенегал эса Ироқ терма жамоасига қарши майдонга тушади.
Розикжон Султонмуродов
Журналист