Сардор Тўхтаев: «Биринчи лигада ғолиб чиқиш ва Пролига йўлланмасини қўлга киритиш»
"Лочин" устози "Оқ-тепа"га қарши ўйиндан сўнг ўз фикрларини билдирди.
Фото: Birinchi liga
Биринчи лига плей-офф ўйинида “Лочин” клуби “Оқ-тепа”ни 3:1 ҳисобида якунланди. Ўйиндан сўнг қашқадарёликлар устози Сардор Тўхтаев ўз фикрларини билдирди.
“Бугун баҳс кескин курашларга бой ўтишига тайёр эдик. Англия футболига хос ёмғирли об-ҳавода тўп тепиш ҳам ўзига яраша қизиқ бўлди. Қашқадарёдан келган мухлислар учун ғалаба қозонишимиз керак эди. Уларга ҳам, футболчиларга ҳам ўйин учун раҳмат айтаман.
Келгуси режаларимиз аниқ. Биринчи лигада ғолиб чиқиш ва Пролига йўлланмасини қўлга киритиш”, - деди Тўхтаев ПФЛ матбуот хизмати билан суҳбатда.
Розикжон Султонмуродов
Журналист