Sardor To‘xtayev: «Birinchi ligada g‘olib chiqish va Proliga yo‘llanmasini qo‘lga kiritish»
"Lochin" ustozi "Oq-tepa"ga qarshi o‘yindan so‘ng o‘z fikrlarini bildirdi.
Фото: Birinchi liga
Birinchi liga pley-off o‘yinida “Lochin” klubi “Oq-tepa”ni 3:1 hisobida mag‘lub etdi. O‘yindan so‘ng qashqadaryoliklar ustozi Sardor To‘xtayev o‘z fikrlarini bildirdi.
“Bugun bahs keskin kurashlarga boy o‘tishiga tayyor edik. Angliya futboliga xos yomg‘irli ob-havoda to‘p surish ham o‘ziga yarasha qiziqarli bo‘ldi. Qashqadaryodan kelgan muxlislar uchun g‘alaba qozonishimiz kerak edi. Ularga ham, futbolchilarga ham o‘yin uchun rahmat aytaman.
Kelgusi rejalarimiz aniq. Birinchi ligada g‘olib chiqish va Proliga yo‘llanmasini qo‘lga kiritish”, - dedi To‘xtayev PFL matbuot xizmati bilan suhbatda.
Roziqjon Sultonmurodov
Jurnalist