Санжар Шоаҳмедов — «Металлург» футболчиси
Янги мавсумга тайёргарликни давом эттираётган «Металлург» таркибни шакллантириш, кучайтириш ишларини ҳам жадал суръатларда олиб бормоқда.
Жумладан, ярим ҳимоя чизиғига яна бир тажрибали футболчи Санжар Шоаҳмедов таклиф этилди.
Маълумот учун, Шоаҳмедов 1990-йил 23-сентябр куни Тошкентда таваллуд топган. Фаолияти давомида футболчи ОКМК, "Локомотив", "Ал Сайлия" (Қатар), "Терренгану" (Малайзия), "Қизилқум", "Динамо", "Сўғдиёна" ва "Хоразм" каби клубларда тўп тепган.
Эслатиб ўтамиз, Санжар Шоаҳмедов ўтган мавсум "Хоразм" клуби сафида ҳаракат қилди. Суперлиганинг 14 та ва Ўзбекистон Кубоги доирасидаги 4 та учрашувда майдонга тушган ярим ҳимоячи 4 та ассист муаллифига айланган.
Тажрибали ярим ҳимоячи янги мавсумда жамоамиз ғалабаларига муносиб ҳисса қўшишига ишониб қоламиз ва Санжар Шоаҳмедовга омад ёр бўлишини тилаган ҳолда бекободликлар сафига хуш келибсан деймиз.
Санжар Шоаҳмедов
Туғилган санаси: 23.09.1990
Туғилган жойи: Тошкент
Бўйи: 1.73
Амплуаси: Ярим ҳимоячи.
