\"Сантос\" ва Неймар ўзаро келиша олмаяпти
Фото: Getty Images
Бразилиянинг “Сантос” клуби ҳужумчи Неймар билан янги шартнома бўйича келиша олмаяпти, деб хабар бермоқда Globo.com.
Маълум бўлишича, янги келишув шартлари аллақачон тайёр. Жамоа раҳбарияти Неймарни 2026 йил декабр ойигача мўлжалланган битим имзоланишини истамоқда. Неймар эса шартномани узайтириш борасида шошилмаяпти.
Футболчининг клуб билан шартномаси 2025 йил 30 июнигача амал қилади. Яхши таклиф бўлса, Европага қайтиши мумкинлиги хабар қилинмоқда.
Неймар январь ойида “Сантос” сафига бориб қўшилган. Клуб сафида 14та ўйинда 3та гол урган
Розикжон Султонмуродов
Журналист
