«Сандерленд» Хименес учун даъвогар
Футболчининг клуб билан амалдаги меҳнат шартномаси 2029 йилнинг ёзигача мўлжалланган.
ФОТО: Getty images
“Сандерленд” “Милан” ҳужумчиси Сантьяго Хименес учун 30 миллион евролик трансфер шартномасини тайёрламоқда, деб хабар бермоқда La Repubblica нашри.
Манба берган хабарга кўра, "россонерилар" аллақачон инглиз клубининг таклифини қабул қилиб бўлишган.
"Сандерленд" футболчини январда сотиб олиш опциаси билан ижарага олмоқчи. Қора мушуклар ҳозирда Хименесни уларга қўшилишга ишонтиришга ҳаракат қилмоқдалар.
Жорий мавсумда миланлик ҳужумчи барча турнирлар доирасида 11та ўйинда майдонга тушиб, битта гол урди ва иккита голли узатмани амалга оширди.
Футболчининг клуб билан амалдаги меҳнат шартномаси 2029 йилнинг ёзигача мўлжалланган. Transfermarkt порталида берилган маълумотларга кўра, футболчининг бозор қиймати 25 миллион еврони ташкил қилади.
Розикжон Султонмуродов
Журналист