«Sanderlend» Ximenes uchun da'vogar
“Sanderlend” “Milan” hujumchisi Santyago Ximenes uchun 30 million yevrolik transfer shartnomasini tayyorlamoqda, deb xabar bermoqda La Repubblica nashri.
Manba bergan xabarga ko'ra, "rossonerilar" allaqachon ingliz klubining taklifini qabul qilib bo'lishgan.
"Sanderlend" futbolchini yanvarda sotib olish opsiyasi bilan ijaraga olmoqchi. Qora mushuklar hozirda Ximenesni ularga qo'shilishga ishontirishga harakat qilmoqdalar.
Joriy mavsumda milanlik hujumchi barcha turnirlar doirasida 11ta o‘yinda maydonga tushib, bitta gol urdi va ikkita golli uzatmani amalga oshirdi.
Futbolchining klub bilan amaldagi mehnat shartnomasi 2029 yilning yoziga qadar mo'ljallangan. Transfermarkt portalida berilgan ma'lumotlarga ko'ra, futbolchining bozor qiymati 25 million yevroni tashkil qiladi.
