«Сандерленд», «Астон Вилла» ва «Вулверхемптон» Гарсия учун курашмоқда
Унинг Мадрид клуби билан шартномаси 2030 йилгача мўлжалланган.
ФОТО: Getty images
Мадриднинг “Реал” клуби ёш ҳужумчи Гонсало Гарсияни Англия Премьер-лигаси клубларига сотиш имкониятини кўриб чиқмоқда. Бу ҳақда Fichajes хабар берди.
Қайд этилишича, испан гранди музокараларга очиқ ва 20 миллион евро таклифини кутмоқда. 21 ёшли футболчига "Сандерленд", "Астон Вилла" ва "Вулверхемптон" клублари қизиқиш билдирмоқда.
Тез орада бу клублар трансфер борасида расмий сўровлар ўтказиши кутилмоқда.
Гарсия жорий мавсумда "Реал Мадрид" сафида барча турнирларда 9 та ўйинда майдонга тушиб, битта голли узатмани амалга оширди. Унинг Мадрид клуби билан шартномаси 2030 йилгача мўлжалланган.
Розикжон Султонмуродов
Журналист