Санчес: «Биз тезкор гол урдик ва ҳимояда ишончли ўйнадик»
"Челси" дарвозабони Роберт Санчес Англия Кубогининг 1/2 финалида "Лидс Юнайтед" устидан қозонилган ғалаба (1:0) ҳақида фикр билдирди.
"Кўплаб ўзгаришлар билан кечган оғир мавсумдан сўнг, агар ёзги танаффусга қўлимизда соврин билан чиқа олсак, бу шунчаки ажойиб бўлар эди. Яқин бир неча ҳафта давомида шу руҳда давом этиш керак, бу кучли ижобий туртки беради. Ўйлайманки, сўнгги бир неча ҳафта биз учун осон кечмади, лекин йигитлар бунга машғулотларда ақлбовар қилмас тарзда муносабат билдиришди. Ва, албатта, бу майдонда ҳам кўринди — йигитларнинг реакциясидан, ҳар бирининг тўп учун курашгани ва бир-бири учун жанг қилганидан.
"Қуруқ" ўйин ва ғалаба — бу улкан ютуқ. Мен бир нечта яхши сейвларни амалга оширишга муваффақ бўлдим, лекин бу фақат менинг хизматим эмас. Бизнинг ҳимоячиларимиз ҳам рақиб зарбаларини бир неча бор тўсишди, улар доимо тўпни бош билан қайтаришди ва, айтганимдек, бир-бири учун курашишди. Биз тезкор гол урдик ва ҳимояда ишончли ўйнадик.
Эсимда, мавсум бошида 15 та ўйиндан тўққиз ёки 10 тасида "қуруқ" ўйин ўтказгандик. Шунинг учун, назаримда, яна "нолга" ўйнаб, ижобий кайфиятга қайтиш жуда ажойиб. Олдинда яна бешта ўйин бор, қўлимиздан келганини қиламиз", — деб Санчеснинг сўзларидан иқтибос келтиради "Челси" расмий сайти.
Англия Кубоги финалида "Челси" 16-май куни "Манчестер Сити"га қарши ўйнайди.
