Самуэль Умтити: «Месси жуда яхши йигит»
«Барселона»нинг собиқ ҳимоячиси Самуэль Умтити Лионель Мессига таъриф берди.
«У жуда яхши йигит. Одамовий ва уялувчан, аммо кулишни ва бошқаларни ҳазил билан эрмак қилишни билади. Жамоавий тушликлар вақтида у доим биз билан бирга бўлар, куларди. У ҳам бошқалар каби оддий инсон.
Албатта, у машғулотларда мени алдаб ўтарди. Уни яхши маънода телба деб айтган бўлардим. Унинг ҳаракатларини олдиндан топишга ҳаракат қилиш мумкин, аммо ишонтириб айтаманки, маълум вазиятларда бунга тўсқинлик қилиб бўлмайди. У нима қилишини биласан, лекин у барибир буни амалга оширади. Унда бошқа ҳеч кимда йўқ хусусият бор. Буни тушунтириб бўлмайди.
Баъзида менга у ўйинни олдиндан кўра оладигандек туюлади. У сенинг нима қилмоқчи эканингни кўриб туради, бу шунчаки ақл бовар қилмас ҳолат. Шунинг учун Криштиану Роналду билан солиштиришлар ҳақида гап кетганда, мен учун ҳаммаси аниқ. У [Роналду] – ажойиб атлет ва дахшатли статистик кўрсаткичларга эга бўлган ақл бовар қилмас ўйинчи, аммо футбол ўйнаш борасида Месси билан ҳеч ким тенглаша олмайди», – деди Умтити.
