Samuel Umtiti: «Messi juda yaxshi yigit»
«Barselona»ning sobiq himoyachisi Samuel Umtiti Lionel Messiga ta’rif berdi.
«U juda yaxshi yigit. Odamovi va uyatchan, ammo kulishni va boshqalarni hazil bilan ermak qilishni biladi. Jamoaviy tushliklar vaqtida u doim biz bilan birga bo‘lar, kulishardi. U ham boshqalar kabi oddiy inson.
Albatta, u mashg‘ulotlarda meni aldab o‘tardi. Uni yaxshi ma’noda telba deb aytgan bo‘lardim. Uning harakatlarini oldindan topishga harakat qilish mumkin, ammo ishontirib aytamanki, ma’lum vaziyatlarda bunga to‘sqinlik qilib bo‘lmaydi. U nima qilishini bilasan, lekin u baribir buni amalga oshiradi. Unda boshqa hech kimda yo‘q xususiyat bor. Buni tushuntirib bo‘lmaydi.
Ba’zida menga u o‘yinni oldindan ko‘ra oladiganday tuyuladi. U sening nima qilmoqchi ekaningni ko‘rib turadi, bu shunchaki aql bovar qilmas holat. Shuning uchun Krishtianu Ronaldu bilan solishtirishlar haqida gap ketganda, men uchun hammasi aniq. U [Ronaldu] – ajoyib atlet va dahshatli statistik ko‘rsatkichlarga ega bo‘lgan aql bovar qilmas o‘yinchi, ammo futbol o‘ynash borasida Messi bilan hech kim tenglasha olmaydi»,-dedi Umtiti.
