«Сампдория» эркин агентга айланган Лоренсо Инсиньеге шартнома таклиф қилди
«Наполи» ҳамда Италия терма жамоаси собиқ вингери Лоренсо Инсинье фаолиятини «Сампдория» клубида давом эттириши мумкин. Бу ҳақда таниқли журналист Лука Чилли Х ижтимоий тармоғидаги ўз саҳифасида хабар тарқатди.
Манбанинг маълум қилишича, «денгизчилар» тажрибали футболчига ҳамкорлик борасида расмий таклиф жўнатиб улгурган. Ортда қолган мавсумда италиялик ҳужумчи «Пескара» шарафини ҳимоя қилган эди, айни дамда эса у эркин агент мақомида бўлиб турибди. Хабарда айтилишича, «Сампдория» Инсиньеге бонуслардан ташқари мавсумига 500 минг евро маош ҳамда клубнинг янги лойиҳасида асосий рольни ваъда қилмоқда. Ушбу таклиф футболчида катта қизиқиш уйғотган ва у яқин вақт ичида якуний қарοрини маълум қилади.
Маълумот ўрнида, Лоренсо Инсинье фаолияти давомида «Наполи», «Торонто», «Пескара» каби клубларда тўп сурган. Шунингдек, у Италия миллий терма жамоаси сафида Европа чемпиони унвонига сазовор бўлган.
