“Сампдория” 80 йиллигини 450 та дрон иштирокидаги шоу билан нишонлайди
Италиянинг “Сампдория” клуби ташкил топганининг 80 йиллиги муносабати билан махсус байрам дастурини ўтказади. Клуб матбуот хизмати маълум қилишича, тадбирнинг асосий қисми 450 та дрон иштирокидаги ёруғлик шоуcидан иборат бўлади. Маросим 12-август куни — клуб ташкил топган санада ўтказилади.
Генуя клубининг энг муваффақиятли даври 1980-йилларнинг иккинчи ярми ва 1990-йилларнинг бошларига тўғри келади. “Сампдория” ушбу даврда Италия чемпиони бўлган ва икки марта Европа турнирлари финалигача етиб борган. Ҳар икки финалда ҳам жамоа “Барселона”га имкониятни бой берган.
Сўнгги йилларда эса клуб мураккаб даврни бошдан кечирмоқда. “Сампдория” 2023-йилда Италия олий дивизионини тарк этган ва ҳозиргача А Серияга қайта олмаган. Шуни қарамай, клуб ўзининг 80 йиллик юбилеини мухлислар учун катта ва замонавий шоу билан нишонлашни режалаштирган.
