Самарқанд футбол мактаби U16 - Ўзбекистон чемпиони
Бугун, 10 май куни U16 Ўзбекистон чемпионати финали доирасида Самарқанд футбол мактаби жамоаси Тошкент вилоят футбол мактабига қарши майдонга тушди.
Ёмғир остида Чархин қўрғонидаги «Динамо» футбол мактаби майдонида бўлиб ўтган баҳсда «Динамо» жамоасининг эртаси бўлмиш Самарқанд футбол мактаби U16 жамоаси мамлакат чемпионати финалида Тошкент вилоят футбол мактаби жамоасига қарши ҳал қилувчи ўйинни ўтказди. Ўсмирлар финалининг асосий вақтида ҳисоб очилмади, пеналтилар сериясида эса ўсмирларимиз 3:2 ҳисобида ғалабага эришиб, 16 ёшгача бўлганлар орасида Ўзбекистон чемпионига айланишди!
3-ўрин учун кечган баҳсда Тошкент шаҳри жамоаси Бухоро вилояти жамоасини 6:1 ҳисобида мағлуб этиб, бронза медалига эга чиқди.
Ўзбекистон чемпионати U16. Финал
10 май (якшанба)
Самарқанд ФМ - Тошкент вилояти ФМ - 0:0. Пеналтилар серияси: 3:2
