Салоҳ: «Клуб менга кўплаб ваъдалар берганди, лекин уларни бажармади»
«Ливерпул» ҳужумчиси асосий таркибдаги ўрнини йўқотганидан норози бўлмоқда.
ФОТО: Getty Images
«Ливерпул» вингери Муҳаммад Салоҳ Англия Премьер-лигасининг 15-турида «Лидс Юнайтед»га (3:3) қарши ўйиндан сўнг жамоадаги ўз позициясидан норози эканини билдирди.
Эслатиб ўтамиз, мисрлик футболчи шу йил баҳорида «Ливерпул» билан шартномасини 2027 йилгача узайтирган эди. Жорий мавсумда эса у бошланғич таркибда камроқ майдонга тушмоқда: охирги учта ўйинда Салоҳ захирада қолган.
«Ушбу ёз клуб кўплаб ваъдалар берди, аммо мен аллақачон учта ўйинни захирада ўтказдим. Улар ваъдаларини бажарган дейиш қийин», – дея Салоҳ сўзларини келтиради VG.
Эслатиб ўтамиз, аввалроқ матбуотда Салоҳнинг Яқин Шарққа ўтишни рад этгани ҳақида хабарлар тарқалган. Мисрлик футболчи Саудия Про-Лигасига ўтганида 500 миллион еврони ошиқ даромад олиши мумкин эди.
Насрулло Каримов
Журналист
