Салоҳ «Астон Вилла»га қарши баҳсга тайёр
Алиссон ва Виртц ҳам сафга қайтиши кутилмоқда.
ФОТО: Getty images
«Ливерпуль» ҳужумчиси Муҳаммад Салоҳ Англия Премьер-лигасининг 37-тури доирасида «Астон Вилла»га қарши ўйинда жамоа таркибига қайтишга тайёр. Бу ҳақда клубнинг расмий сайти орқали матбуот хизмати маълум қилди.
Беллашув 15 май, жума куни Бирмингемдаги «Вилла Парк» стадионида бўлиб ўтади.
Маълум қилинишича, мушак шикасти сабабли сўнгги икки ўйинни ўтказиб юборган Салоҳ навбатдаги беллашувда майдонга тушишга тайёр ҳолатда.
Шунингдек, «Челси»га қарши ўйиннинг иккинчи бўлимида алмаштирилган ҳимоячи Ибраима Конате ҳам ушбу учрашувда иштирок этиши мумкин.
Бразилиялик дарвозабон Алисон ва ярим ҳимоячи Флориан Виртцнинг ҳолати эса қўшимча тиббий кўриклардан сўнг аниқланади.
Розикжон Султонмуродов
Журналист
