Салиба ЖЧ-2026нинг дастлабки турини ўтказиб юбориши мумкин
Бу ҳақда Footmercato нашри хабар бермоқда.
ФОТО: Getty images
Франция терма жамоаси ҳимоячиси Вильям Салиба характери аниқланмаган енгил жароҳат туфайли жаҳон чемпионати-2026'нинг бошланишини ўтказиб юбориши мумкин. Бу ҳақда Footmercato нашри хабар бермоқда.
Жароҳат Чемпионлар лигаси финалидан сўнг янада кучайган. Ушбу беллашувда Лондоннинг «Арсенал» клуби Франциянинг «ПСЖ» жамоасига 1:1 (3:4 пен.) ҳисобида имкониятни бой берди.
«Арсенал» сафида тўп сурадиган Салиба ўйиннинг барча 120 дақиқасини майдонда ўтказди ва натижада унинг аҳволи ёмонлашди.
Франциялик футболчи бир неча ҳафтани, жумладан, жаҳон чемпионати-2026'нинг бошланишини ҳам ўтказиб юбориши мумкин. Унда Франция терма жамоаси гуруҳ босқичи доирасида Сенегал (16 июнь), Ироқ (23 июнь) ва Норвегия (26 июнь) билан ўйнаши керак.
Розикжон Султонмуродов
Журналист
