Сака ва Райс “Ковентри Сити”га қарши ўйинга тайёр — Артета
“Арсенал” бош мураббийи Микел Артета АПЛнинг 1-туридан ўрин олган “Ковентри Сити”га қарши учрашув олдидан жамоа футболчиларининг ҳолати ҳақида гапирди. Мураббийнинг таъкидлашича, Букайо Сака ва Деклан Райс ўйинда иштирок этишга тўлиқ тайёр.
“Букайо Сака ва Деклан Райс учрашувда қатнашишга тайёр”, — деди Артета. Шу билан бирга, Юрриен Тимбер ҳали жамоавий машғулотларга қайтмаган. Мураббий унинг тўлиқ тикланиши учун яна бир неча ҳафта керак бўлиши мумкинлигини қайд этди.
Артета жамоанинг оптимал таркиби ҳақида ҳам фикр билдирди. Унинг сўзларига кўра, 22 нафар майдон футболчиси ва уч-тўрт нафар дарвозабон етарли бўлиши мумкин. Бироқ бу борада футболчиларнинг жароҳатлар тарихи, жисмоний ҳолати ва бир нечта позицияда ўйнай олиш қобилияти ҳам инобатга олинади.
Маълумот учун, “Арсенал” — “Ковентри Сити” учрашуви 21-август куни АПЛнинг янги мавсумидаги 1-тур доирасида бўлиб ўтади. Лондонликлар янги мавсумни ўз майдонида бошлайди.
