Сака: «Ўйлайманки, Тухел — ажойиб мураббий»
Турнирдаги биринчи ўйинда Англия 17 июнь куни Хорватия билан тўқнаш келади.
ФОТО: Getty images
«Арсенал» ва Англия терма жамоаси ҳужумчиси Букайо Сака миллий жамоа бош мураббийи Томас Тухель ҳақида фикр билдирди.
«Ўйлайманки, у ажойиб мураббий ва у келганидан бери нима хоҳлаётганини ва жамоага қандай талаблар қўяётганини аниқ кўрсатиб берди. У ғолиб ва, шубҳасиз, бу жамоа ҳам ғалаба қозонишни хоҳлайди. Биз уни жуда яхши қабул қилдик», — дея Саканинг сўзларини келтиради ФИФА расмий сайти.
52 ёшли Томас Тухель Англия терма жамоасини 2025 йил бошидан бери бошқариб келмоқда. 2026 йилги жаҳон чемпионатида инглизлар L гуруҳида Хорватия, Гана ва Панама терма жамоалари билан ўйнайди.
Турнирдаги биринчи ўйинда Англия 17 июнь куни Хорватия билан тўқнаш келади.
Розикжон Султонмуродов
Журналист
