Сафонов «ПСЖ»ни тарк этмайди
У Шевале билан рақобатлашишга тайёр.
ФОТО: Getty images
Россиялик дарвозабон Матвей Сафонов қишки трансфер ойнасида "ПСЖ"ни тарк этмайди. Бу ҳақда Тop Mercato нашри хабар берди.
Манбага кўра, Париж клуби жорий мавсумда атиги 1та ўйин ўтказган Сафоновнинг клубни тарк этиши мумкинлиги ҳақидаги миш-мишларни рад этди.
"Кулгили, бу шунчаки спекуляция. У билан беш йиллик шартнома имзолаганимизни унутманг. У келганидан бери жуда кўп қўшди. У "ПСЖ" даражасига мос келишини тасдиқлади", - дейилади клуб хабарида.
26 ёшли Сафонов ҳам "ПСЖ"ни тарк этиш ҳақида ўйламаяпти. У Шевале билан рақобатлашишга тайёр.
Розикжон Султонмуродов
Журналист