Рюдигер «Реал» билан янги шартнома бўйича келишувга эришди – Романо
Янги битим 2027 йил июнигача амал қилади.
ФОТО: Getty images
Антонио Рюдигер ва Мадриднинг «Реал» клуби янги шартнома борасида оғзаки келишувга эришди. Бу ҳақда инсайдер Фабрицио Романо хабар берди.
Манбага кўра, янги битим 2027 йил июнигача амал қилади.
Қайд этилишича, расмий эълон клубдаги президентлик сайловлари жараёнига қараб кейинроқ амалга оширилади.
Шунингдек, германиялик ҳимоячи «Реал» томонидан таклиф қилинган шартларни қабул қилгани айтилмоқда.
Маълумот учун, Рюдигер 2022 йилдан буён Мадрид клуби сафида ҳаракат қилиб келмоқда.
Розикжон Султонмуродов
Журналист