Рустам Ашурматов Эроннинг «Истиқлол» клуби футболчисига айланди
Фото: Getty Images
Ўзбекистон миллий терма жамоаси аъзоси Рустам Ашурматов Эроннинг «Истиқлол» жамоаси футболчисига айланди.
Теҳронликлар Ашурматовнинг трансфери борасида Россиянинг "Рубин" клуби билан келишувга эришди. Маълумотларга қараганда, "Истиқлол" Рустамнинг трансфери учун 500 минг евро тўлаган.
Шу тариқа, Рустам Жалолиддин Машарипов билан бир жамоада тўп сурадиган бўлди.
Эслатиб ўтамиз, Ашурматов 2023 йилнинг январь ойида "Рубин" сафига қўшилган эди. Икки йил давомида у 45 та ўйинда майдонга тушиб, 3 та гол урди.
Розикжон Султонмуродов
Журналист