Руслан Розиев Қирғизистон клуби билан битим имзолади
Унинг сўнгги жамоаси ҳам Беларуссиянинг “Нафтан” клуби ҳисобланади.
ФОТО: Getty images
Ўзбекистонлик ҳужумчи Руслан Розиев фаолиятини Қирғизистон чемпионатида давом эттиради.
Sports24.uz хабар беришича, 23 ёшли футболчи “Бишкек Сити” билан битим тузди. Келишув йил якунига қадар амал қилади.
“Пахтакор” футбол клуби тарбияланувчиси Руслан фаолияти давомида Ўзбекистон, Чехия, Беларуссия клубларида ўйнаган. Унинг сўнгги жамоаси ҳам Беларуссиянинг “Нафтан” клуби ҳисобланади.
Ўтган йили “Бишкек Сити”да ўзбекистонлик ҳимоячи Абдуғани Камолов тўп сурган.
Розикжон Султонмуродов
Журналист