Руни Испания терма жамоасининг энг муҳим футболчиси кимлигини айтди
Англия терма жамоасининг собиқ ҳужумчиси Уэйн Руни 2026-йилги Жаҳон чемпионатида Испания терма жамоасининг энг муҳим футболчиси ким эканлиги ҳақидаги фикрлари билан ўртоқлашди.
Рунинг таъкидлашича, кўпчилик эътибори Ламин Ямал, Нико Уильямс ёки Родрига қаратаётган бўлса-да, жамоанинг асосий фигураси айнан Педри ҳисобланади.
"Менимча, Испаниянинг энг муҳим футболчиси — Педри. У ўйинни бошқаради, ҳужум ва ҳимоя ўртасидаги боғловчи вазифасини бажаради. У майдонда бўлганида Испания бутунлай бошқача кўринади", — деди Руни.
Собиқ футболчининг фикрича, Педрининг ўйинни ўқиш қобилияти, тўп билан муомала маданияти ва ўйин темпини назорат қилиши Испания терма жамоасининг муваффақиятида ҳал қилувчи омиллардан бири бўлиб қолмоқда.
Эслатиб ўтамиз, Испания терма жамоаси ЖЧ-2026 ярим финалида Францияга қарши майдонга тушади. Мазкур учрашув ғолиби мундиал финалига йўл олади.
