Руни: «Беллингем — ушбу жаҳон чемпионатининг энг яхши футболчиси»
Англия терма жамоасининг собиқ ҳужумчиси Уэйн Руни Жаҳон чемпионати–2026да Англия ярим ҳимоячиси Жуд Беллингемни турнирнинг энг яхши футболчиси деб атади.
«Агар дунёдаги энг яхши футболчи ҳақида гап кетса, кўпчилик Мбаппе ёки Холандни эслайди. Беллингем бу мавсум "Реал"да ҳали уларнинг даражасига тўлиқ чиққан бўлмаслиги мумкин, аммо менинг назаримда, у ушбу жаҳон чемпионатининг энг яхши футболчиси.
Жуд — энергия, иштиёқ ва ғалабага чанқоқлик тимсоли. Айнан шу фазилатлари туфайли у муваффақиятга эришмоқда. Бу каби хусусиятлар юқори савиядаги футболчиларда кам учрайди. Кўпчилик ўз маҳорати ва техникасига таянади, Жуд эса доимий интилиш ва меҳнати билан ажралиб туради. Шу боис унинг ўйинини томоша қилиш жуда ёқимли. Англия мухлислари ҳам айнан шундай футболчиларни кўришни хоҳлайди — жамоа ва герб учун охиригача курашадиган ўйинчиларни.
У менга ўзимни эслатади. Бир дақиқада: "Бу йигит ҳақиқий даҳо", деб ўйлайсиз. Кейин эса: "Жангга ортиқча киришма, қизил карточка олиб қўйма", дейсиз. Мен ҳам худди шундай эдим. Аммо Жуд энг муҳим турнирда ўз салоҳиятини тўлиқ намоён қилди. Илгари унга нисбатан бўлган барча шубҳаларга жавоб берди», — дея Рунининг сўзларидан келтиради BBC нашри.
Эслатиб ўтамиз, Англия терма жамоаси Жаҳон чемпионати ярим финалида Аргентинага 1:2 ҳисобида мағлуб бўлиб, энди учинчи ўрин учун Францияга қарши майдонга тушади.
