Рубен Аморим: «Агар лойиқ бўлмасам эртагаёқ ҳеч қандай товон пулларисиз жамоадан кетаман»
Европа лигаси финал учрашувидан кейин, “Манчестер Юнайтед” бош мураббийи Рубен Аморим матбуот анжуманида қатнашди ва қуйидаги фикрларни билдирди:
“Келажак ҳақида гапирмоқчи эмасман, чунки бугун бу ўйиндаги мағлубият оғриғи билан муомала қилишимиз керак. Шуни айта оламанки, биз яхшироқ эдик, лекин гол ура олмадик. Футболчилар ғалаба учун борини бериб ҳаракат қилишди. Келажакда ҳамма нарсани муҳокама қилишга вақт бор. Бу бир кишини айби эмас. Голлар ура олмаяпмиз, дарвозабон ўз ишини ажойиб бажарди.
Футболчиларимга ишонаман. Футболчиларни ривожлантириш менинг вазифам. Январда келганимда кўплаб катта ўзгаришларни амалга ошира олмадик. Бизда ундан олдинги муаммолар ҳам бор эди. Шунинг учун ҳам муаммо фақат бир кишида эмас, ҳаммада. Mount “Бильбао” билан ўйинни ўзгартириб юбора олган эди. Ҳозир ҳар хил қарашлар билан муҳокама қилиш осон. Мен ўйинни яхшилаш ва финални ютуш учун ҳаракат қилдим.
Дўстларим билан, инглиз одамлари билан, мухлисларимиз билан гаплашиб олишим керак. Португалларга айтадиган ҳеч қандай гапим йўқ. Ҳозир фикрларимни дўстларим билан бўлишишим керак ва келажакда нима бўлишини вақт кўрсатади.
Албатта маркетинг ва трансфер режаларимиз бўлиши шарт. Тўғри, Чемпионлар лигаси йўлланмасини қўлга кирита олмадик, лекин бошқа томондан ижобий ўйласак АПЛга кўпроқ вақтимиз ва эътиборимиз бўлади.
Ҳозир бу ерга ўзимни ҳимоя қилиш учун келганим йўқ. Бу менинг услубим эмас. Мухлисларга нимадирни исботлаб бериш учун айтадиган гапларим йўқ. Мен ҳар доим очиқ бўлганман. Агар “Манчестер Юнайтед” бош мураббийлигига лойиқ бўлмасам, ҳеч қандай қўшимча товон пулларисиз эртагаёқ кетаман. Лекин, мен бундай қилмайман. Ҳозирги ишимга ва ўзимга ишонаман. Баҳона қилмаяпман, мавсум давомида кичик камчиликлар сабаб кўплаб ўйинларни ижобий якунлай олмадик. Қайтараман, мухлисларга нимадирлар деб ўзимни оқламоқчи эмасман, лекин ўзимга ишонган ҳолда, ўйлаган йўлим бўйича давом этаман»,–дейди португалиялик мутахассис
