Ўртоқлик ўйини. “Ювентус” “Палермо”ни мағлуб этди
Шу тариқа “Ювентус” янги мавсум олдидан навбатдаги назорат учрашувида ғалабага эришди.
Фото: Getty Images
“Ювентус” янги мавсумга тайёргарлик доирасида “Палермо”га қарши ўртоқлик учрашувини ўтказди.
Австрияда бўлиб ўтган баҳс Турин клубининг 2:0 ҳисобидаги ғалабаси билан якунланди. Биринчи голни 45-дақиқада Кенан Йилдиз урди. Учрашув якунга яқин, 86-дақиқада эса Аркадиуш Милик ҳисобни 2:0 кўринишига келтирди.
Шу тариқа “Ювентус” янги мавсум олдидан навбатдаги назорат учрашувида ғалабага эришди. “Палермо” эса 2026/27 йилги мавсумни Италия Б Сериясида ўтказади.
“Ювентус” А Сериянинг янги мавсумидаги илк учрашувини 23-август куни сафарда “Фрозиноне”га қарши ўтказади.
Насрулло Каримов
Журналист