Ўртоқлик ўйини. Португалия – Чили. Асосий таркиблар маълум
Бугун, 6-июн куни АҚШ, Канада ва Мексикада бўлиб ўтадиган 2026-йилги Жаҳон чемпионати финал босқичига тайёргарлик доирасида Португалия ва Чили терма жамоалари ўртасида ўртоқлик учрашуви бўлиб ўтади.
Португалия ЖЧ-2026 даги юришини К гуруҳида бошлайди, бу ерда унинг рақиблари Конго ДР, Ўзбекистон ва Колумбия терма жамоалари бўлади. Ф саралаш гуруҳида португалияликлар Ирландия, Венгрия ва Арманистонни ортда қолдириб, биринчи ўринни эгаллаган.
Чили терма жамоаси жаҳон чемпионатининг Жанубий Америка саралашида 10 та жамоадан иборат гуруҳда 10-ўринни эгаллаган ва тўрт йилликнинг бош турнирининг финал босқичига чиқа олмаган.
Португалия: Жозе Са, Семеду, Диаш, Вейга, Канселу, Фернандеш, Бернарду Силва, Криштиану Роналду, Леау, Консейсау, Кошта.
Чили: Вигуру, Марипан, Роман, Суасо, Фаундес, Писарро, Арсе, Лойола, Осорио, Тапия, Гутьеррес.
