Ўртоқлик ўйини. «Динамо» «Зенит»га минимал ҳисобда мағлуб бўлди
«Динамо» жамоаси БААдаги иккинчи йиғини доирасидаги биринчи учрашувни Абу-Дабида «Зенит»га қарши ўтказди.
Ўйин олдидан «Зенит» «Ан-Наср»дан Жон Дуран трансферини амалга оширган бўлса-да, бу баҳсда майдонга туширилмади. Шунга қарамай, Сергей Семак ҳам, Вадим Абрамов ҳам учрашувни жанговар таркибда бошлади.
Биринчи бўлимда Александр Ерохин Россия клубининг ягона голига муаллифлик қилди, жамоамиздан эса Азизбек Амонов яккама-якка вазиятдан фойдалана олмади – 1:0.
Иккинчи бўлим Самарқанд жамоаси устунлигида ўтган бўлса-да, Вадим Абрамов шогирдлари бир қатор имкониятдан фойдалана олишмади. Баҳсда Россиянинг 10 карра чемпиони минимал ҳисобда устун келди.
Ўртоқлик ўйини. 9 феврал. Абу-Даби
Зенит (Россия) – Динамо (Самарқанд) – 1:0
Гол: Александр Ерохин, 5.
«Динамо»: Неманов, Қодирқулов, Дембеле, Ўрозов, Жумабоев, Мавретич, Тўхтасинов, Абдусаломов, Амонов, Ҳожимирзаев, Абдураҳмонов.
Захирадан тушганлар: Улуғбек Ҳошимов, Хислат Халилов, Расул Йўлдошев, Беҳрузбек Облоқулов, Абдулаҳад Ҳошимов, Акбар Худойбердиев, Бектемир Абдуманнонов, Салоу, Улуғбек Абдуллаев.
