O‘rtoqlik o‘yini. «Dinamo» «Zenit»ga minimal hisobda mag‘lub bo‘ldi
"Dinamo" jamoasi BAAdagi ikkinchi yig‘in doirasidagi birinchi uchrashuvni Abu-Dabida "Zenit"ga qarshi o‘tkazdi.
O‘yin oldidan "Zenit" "An-Nasr"dan Jon Duran transferini amalga oshirgan bo‘lsa-da, bu bahsda maydonga tushirmadi. Shunga qaramay, Sergey Semak ham, Vadim Abramov ham uchrashuvni jangovar tarkibda boshladi.
Birinchi bo‘limda Aleksandr Eroxin Rossiya klubining yagona goliga mualliflik qildi, jamoamizdan esa Azizbek Amonov yakka-yakka vaziyatdan foydalana olmadi – 1:0.
Ikkinchi bo‘lim Samarqand jamoasi ustunligida o‘tgan bo‘lsa-da, Vadim Abramov shogirdlari bir qator imkoniyatdan foydalana olishmadi. Bahsda Rossiyaning 10 karra chempioni minimal hisobda ustun keldi.
O‘rtoqlik o‘yini. 9 fevral. Abu-Dabi
Zenit (Rossiya) – Dinamo (Samarqand) – 1:0
Gol: Aleksandr Eroxin, 5.
"Dinamo": Nemanov, Qodirqulov, Dembele, O‘rozov, Jumaboyev, Mavretich, To‘xtasinov, Abdusalomov, Amonov, Hojimirzayev, Abdurahmonov.
Zaxiradan tushganlar: Ulug‘bek Hoshimov, Xislat Xalilov, Rasul Yo‘ldoshev, Behruzbek Obloqulov, Abdulahad Hoshimov, Akbar Xudoyberdiyev, Bektemir Abdumannnov, Salou, Ulug‘bek Abdullayev.
