Ўртоқлик ўйини. Аргентина Африка жамоасини қийинчилик билан мағлуб этди

Аргентина ва Мавритания терма жамоалари ўртасида ўртоқлик учрашуви бўлиб ўтди. Унда мезбонлар 2:1 ҳисобида ғалаба қозонди.

Ғолиб жамоа сафида голларга аргентиналик ярим ҳимоячилар Энцо Фернандес (унга Науэль Молина ассист берди) ва Николас Пас муаллифлик қилди.

Меҳмонлар таркибида эса ягона голни ҳимоячи Жордан Лефор 90+4-дақиқада киритди.

Аргентина терма жамоаси навбатдаги ўйинни 1 апрель куни ўз майдонида Замбия терма жамоасини қабул қилади. Учрашув Тошкент вақти билан 04:15 да бошланиши режалаштирилган.

Ўртоқлик учрашуви.
28 март 2026 йил, шанба.
Аргентина — Мавритания - 2:1
Голлар: 1:0 — Фернандес (17), 2:0 — Пас (32), 2:1 — Лефор (90+4)

Розикжон Султонмуродов

Журналист