O‘rtoqlik o‘yini. Argentina Afrika jamoasini qiyinchilik bilan mag‘lub etdi
Messi zaxiradan maydonga tushdi.
ФОТО: Getty images
Argentina va Mavritaniya terma jamoalari o‘rtasida o‘rtoqlik uchrashuvi bo‘lib o‘tdi. Unda mezbonlar 2:1 hisobida g‘alaba qozondi.
G‘olib jamoa safida gollarga argentinalik yarim himoyachilar Enso Fernandes (unga Nauel Molina assist berdi) va Nikolas Pas mualliflik qildi.
Mehmonlar tarkibida esa yagona golni himoyachi Jordan Lefor 90+4-daqiqada kiritdi.
Argentina terma jamoasi navbatdagi o‘yinni 1 aprel kuni o‘z maydonida Zambiya terma jamoasini qabul qiladi. Uchrashuv Toshkent vaqti bilan 04:15 da boshlanishi rejalashtirilgan.
O‘rtoqlik uchrashuvi.
28 mart 2026 yil, shanba.
Argentina — Mavritaniya - 2:1
Gollar: 1:0 — Fernandes (17), 2:0 — Pas (32), 2:1 — Lefor (90+4)
Roziqjon Sultonmurodov
Jurnalist