Ўртоқлик ўйини. 7та гол урилган баҳсда «Динамо» ЦСКАни мағлуб этди
«Динамо» жамоаси Абу-Дабида Россиянинг 6 карра чемпиони ЦСКАга қарши майдонга тушиб, ажойиб ғалабага эришди.
Вадим Абрамов шогирдлари Москва клуби билан баҳсда миллий жамоага йўл олган Анваржон Ҳожимирзаев, Фирдавс Абдураҳмонов, Жаҳонгир Ўрозов ва Эдем Немановсиз тўп сурган бўлса-да, ЦСКАнинг асосий таркибини мағлуб этишга эришди. Биринчи бўлимда Тўхтасинов ва Амоновнинг голидан кейин тайм 2:2 ҳисобида якунланган бўлса, иккинчи бўлимда ЦСКА 3:2 ҳисобида олдинда борган бўлса-да, Самарқанд жамоаси Қодирқуловнинг голи билан ҳисобни 3:3га айлантирди, 90+2-дақиқада эса ёш яримҳимоячи Абдулаҳад Ҳошимов ўзбек клубига Россия жамоаси устидан ғалаба келтирди – 4:3.
Халқаро ўртоқлик ўйини.
25 январ, Абу-Даби.
ЦСКА (Москва, Россия) – Динамо (Самарқанд, Ўзбекистон) – 3:4
Голлар: - Нурилло Тўхтасинов 13, Азизбек Амонов 35, Санжар Қодирқулов 82, Абдулаҳад Ҳошимов 90+2
«Динамо»: Равшанбек Ягудин, Улуғбек Абдуллаев, Жалолиддин Жумабоев, Мауро Бразил, Санжар Қодирқулов, Драмане Салоу, Кингсли Сарфо, Нурилло Тўхтасинов, Хислат Халилов, Жаҳонгир Абдусаломов, Азизбек Амонов.
Захирадан майдонга тушганлар: Сарвар Каримов, Тил Мавретич, Ойбек Ҳамроқулов, Миржаҳон Мираҳмадов, Расул Йўлдошев, Улуғбек Ҳошимов, Беҳрузбек Облоқулов, Акбар Худойбердиев, Бектемир Абдуманнонов, Абдулаҳад Ҳошимов.
