Рожерс «Ноттингем Форест»ни бошқариши мумкин
Фото: Getty Images
Брендан Рожерс Премьер-лигага қайтиши мумкин. Бу ҳақда The Sun хабар берди.
Манбага кўра, 52 ёшли мутахассис “Ноттингем Форест” бош мураббийлиги учун асосий номзод ҳисобланади.
“Ўрмончилар” яқин кунларда Нуно Эспирито Санто билан хайрлашиши кутилмоқда. Португалияликнинг клуб хўжайини Эвангелос Маринакис билан жиддий келишмовчиликлари бор, буни у ўз интервюсида очиқчасига айтиб, раҳбарият билан муносабатлардаги кескинликни тасдиқлади.
Рожерс ҳозирда Шотландиянинг “Селтик” клубини бошқаради, бироқ унинг шартномаси 2026 йилнинг ёзида тугайди. “Ноттингем Форест” унинг товон пулини тўлаши ва шартнома муддатидан олдин бекор қилиниши мумкин.
Брендан Рожерс нафақат "Селтик"да, балки "Ливерпуль", "Суонси" ва "Лестер" каби клубларда ҳам ишлаган.
Розикжон Султонмуродов
Журналист