Rogers «Nottingham Forest»ni boshqarishi mumkin
Brendan Rogers Premyer-ligaga qaytishi mumkin. Bu haqda The Sun xabar berdi.
Manbaga ko'ra, 52 yoshli mutaxassis "Nottingham Forest" bosh murabbiyligi uchun asosiy nomzod hisoblanadi.
"O'rmonchilar" yaqin kunlarda Nuno Espirito Santo bilan xayrlashishi kutilmoqda. Portugaliyalikning klub xo'jayini Evangelos Marinakis bilan jiddiy kelishmovchiliklari bor, buni u o'z intervyusida ochiqchasiga aytib, rahbariyat bilan munosabatlardagi keskinlikni tasdiqladi.
Rogers hozirda Shotlandiyaning "Celtic" klubini boshqaradi, biroq uning shartnomasi 2026 yilning yozida tugaydi. "Nottingham Forest" uning tovon pulini to'lashi va shartnoma muddatidan oldin bekor qilinishi mumkin.
Brendan Rogers nafaqat "Celtic"da, balki "Liverpool", "Swansea" va "Leicester" kabi klublarda ham ishlagan.
