Россиялик машҳур спорт шарҳловчиси Дмитрий Губерниев Ўзбекистонни жаҳон чемпионатига чиққани билан табриклади
Дмитрий Губерниев ўзининг табригида ўзбек халқига самимий тилакларини йўллаб, миллий терма жамоанинг тарихий ютуғини алоҳида эътироф этди. У Ўзбекистондаги ижобий ўзгаришлар ва мамлакатнинг очиқ сиёсати футбол орқали ҳам намоён бўлаётганини таъкидлади.
Губерниев Ўзбекистон термасини ёш ва жанговор жамоа деб атаб, жаҳон чемпионатида гуруҳ босқичидан чиқиш ва мусобақани давом эттиришга умид билдирди. Унинг сўзларига кўра, мамлакатда футбол ҳаёт ва спортга бўлган умумий ёндашувга мос келади — очиқлик ва яхшилик сари интилиш қадрланади.
Шарҳловчи ўзбек халқини жуда яхши кўришини ва бу туйғулар ўзаро эканини таъкидлади. У футболчиларга келгусида ҳам муваффақият тилаб, эришилган натижаларда тўхтаб қолмасликка чақирди. Шунингдек, у «Ялла» гуруҳининг машҳур қўшиғидан сатрларни эслаб ўтди: «Бака-бака-банг, дор ўйнанг. Агар йиқилсанг — йиғлама, ўрнингдан тур».
Губерниевга кўра, кучли ва мақсад сари интиладиган мамлакатнинг терма жамоаси ҳам шунга мос футбол намойиш этмоқда. У сўзининг якунида Ўзбекистон билан дўстлиги ва халқимизга бўлган ҳурматидан фахрланишини билдириб, омад ва зафарлар тилади.