Rossiyalik mashhur sport sharhlovchisi Dmitriy Guberniev O‘zbekistonni jahon chempionatiga chiqqani bilan tabrikladi
Dmitriy Guberniev o‘zining tabrigida o‘zbek xalqiga samimiy tilaklarini yo‘llab, milliy terma jamoaning tarixiy yutug‘ini alohida e’tirof etdi. U O‘zbekistondagi ijobiy o‘zgarishlar va mamlakatning ochiq siyosati futbol orqali ham namoyon bo‘layotganini ta’kidladi.
Guberniev O‘zbekiston termasini yosh va jangovar jamoa deb atab, jahon chempionatida guruh bosqichidan chiqish va musobaqani davom ettirishga umid bildirdi. Uning so‘zlariga ko‘ra, mamlakatda futbol hayot va sportga bo‘lgan umumiy yondashuvga mos keladi — ochiqlik va yaxshilik sari intilish qadrlanadi.
Sharhlovchi o‘zbek xalqini juda yaxshi ko‘rishini va bu tuyg‘ular o‘zaro ekanini ta’kidladi. U futbolchilarga kelgusida ham muvaffaqiyat tilab, erishilgan natijalarda to‘xtab qolmaslikka chaqirdi. Shuningdek, u “Yalla” guruhining mashhur qo‘shig‘idan satrlarni eslab o‘tdi: «Baka-baka-bang, do‘r o‘ynang. Agar yiqilsang — yig‘lama, o‘rningdan tur».
Gubernievga ko‘ra, kuchli va maqsad sari intiladigan mamlakatning terma jamoasi ham shunga mos futbol namoyish etmoqda. U so‘zining yakunida O‘zbekiston bilan do‘stligi va xalqimizga bo‘lgan hurmatidan faxrlanishini bildirib, omad va zafarlar tiladi.
